படையினர் முகாமிலிருந்து சருகுப்புலி?

யாழ்ப்பாணத்தின் வலிகாமம் வடக்கில் படையினர் பேணி வரும் காடு மண்டிய பாதுகாப்பு வலயம் தொடர்ந்தும் மீள்குடியேறிய மக்களிற்கு தலையிடியையே தருகின்றது.

இந்நிலையில் தெல்லிப்பழை – மாவைகலட்டி கிராமத்திற்குள் புகுந்து சருகுப்புலி ஒன்று வீடொன்றிலிருந்த 13 ஆடுகளை கடித்து காயப்படுத்தியுள்ளதுடன், 6 ஆடுகளை கொன்றுள்ளது.

இந்த சம்பவம் இன்று செவ்வாய் காலை இடம்பெற்றிருந்தது.

கிராமத்திற்குள் புகுந்த சருகுப்புலி வீட்டில் பட்டியிடப்பட்டு கட்டப்பட்டிருந்த 19 ஆடுகளை கடித்து குதறியுள்ளது.

இதில் 13 ஆடுகள் காயமடைந்ததுடன், 6 ஆடுகளை கொன்றிருக்கின்றது.

எனினும் சருகுப்புலி படையினரது பாதுகாப்பு வலயத்தினுளட இருந்தே அப்பகுதிக்கு வந்தது என கிராம மக்கள் அச்சமடைந்துள்ளனர்.