März 1, 2024

கொரோனா; தமிழகத்திலும் புதிதாக 86 தொற்றுக்கள் பதிவாகியுள்ளது!

தமிழகத்தில் இன்று புதிதாக 86 கொரோனா வழக்குகள் பதிவாகியிருப்பதாகவும், புதிய வழக்குகளுடன் தமிழகத்தில் மொத்த கொரோனா வழக்கு6ளின் எண்ணிக்கை 571-ஆக உயர்ந்துள்ளதாகவும் தமிழக சுகாதாரத்துறை தெரிவித்துள்ளது.

இதுதொடர்பாக தமிழக சுகாதாரத்துறை வெளியிட்டுள்ள அறிவிப்பில் குறிப்பிட்டுள்ளதாவது., தமிழ்நாட்டில், இன்று வரை 2,10,538 பயணிகள் சென்னை, திருச்சி, மதுரை, மற்றும் கோவை ஆகிய விமான நிலையங்களில் திரையிடப்பட்டனர். நேற்று வரை வீட்டு தனிமைப்படுத்தப்பட்ட மொத்த நபர்களின் எண்ணிக்கை 90,541 ஆகும். இன்று வரை 10,814 பயணிகள் 28 நாட்கள் பின்தொடர்தலை முடித்துள்ளனர். இன்றைய தேதியின் படி தேதியின்படி 90,824 பயணிகள் 28 நாட்களுக்கு வீட்டு தனிமைப்படுத்தலில் உள்ளனர்.

தற்போது, ​​மிகவும் பாதிக்கப்பட்ட நாடுகளைச் சேர்ந்த 127 அறிகுறியற்ற பயணிகள் விமான நிலையத்திற்கு அருகிலுள்ள தனிமைப்படுத்தப்பட்ட வசதிகளில் தனிமைப்படுத்தப்பட்டுள்ளனர், மேலும் 1848 பேர் மருத்துவமனை தனிமைப்படுத்தப்பட்டுள்ளனர்.
இதுவரை 4,612 மாதிரிகள் பயணிகளிடமிருந்து கிங் இன்ஸ்டிடியூட் ஆப் ப்ரீவென்டிவ் மெடிசின் அண்ட் ரிசர்ச், கிண்டி சென்னை, தேசிய வைராலஜி நிறுவனம், புனே, தேனி VRDL, திருவாரூர் VRDL, திருநெல்வேலி VRDL, RGGGH VRDL, கோவையில் VRDL, வில்லுபுரம் VRDL, மதுரை VRDL, திருச்சி VRDL, நியூபெர்க் எர்லிச், CMC வேலூர், YRG சென்னை, மைக்ரோலேப்ஸ், கோவை, SRMC மற்றும் அப்பல்லோ சென்னை ஆகிய ஆய்வகங்களில் சோதிக்கப்பட்டுள்ளது.

571 நபர்கள் இன்றுவரை நேர்மறையாக சோதனை முடிவு பெற்றுள்ளனர். 3,702 மாதிரிகள் எதிர்மறை சோதனை முடிவு பெற்றுள்ளனர். 339 மாதிரிகளின் சோதனை நடந்து வருவதாக குறிப்பிடப்பட்டுள்ளது. மேலும் தமிழகத்தில் பாதிக்கப்பட்டவர்களில் 522 பேர் டெல்லியல் நடைப்பெற்ற தப்லிகி ஜமாஅத் கூட்டத்தில் பங்கேற்றவர்கள் எனவும் தமிழக அரசு தெரிவித்துள்ளது.

தமிழகத்தில் இதுவரை கொரோனாவால் பாதிக்கப்பட்டவர்கணின் எண்ணிக்கை மாவட்டம் வாரியாக…
1. சென்னை – 95
2. கோவை – 58
3. திண்டுக்கல் – 45
4. திருநெல்வேலி – 38
5. ஈரோடு – 32
6. நாமக்கல் – 25
7. ராணிபேட்டை – 25
8. தேனி – 23
9. கரூர் – 23
10. செங்கல்பட்டு – 22
11. மதுரை – 19
12. திருச்சி – 17
13. விழுப்புரம் 15
14. திருவாரூர் – 12
15. சேலம் – 12
16. திருவள்ளுர் – 12
17. விருதுநகர் – 11
18. தூத்துக்குடி – 11
19. நாகப்பட்டினம் – 11
20. திருப்பத்தூர் – 10
21. கடலூர் – 10
22. திருவண்ணாமலை – 08
23. கன்னியாகுமரி – 06
24. சிவகங்கை – 05
25. வேலூர் – 05
26. தஞ்சாவூர் – 05
27. காஞ்சிபுரம் – 04
28. நீலகிரி – 04
29. திருப்பூர் – 03
30. ராமநாதபுரம் – 02
31. கள்ளக்குறிச்சி – 02
32. பெரம்பலூர் – 01