இங்கிலாந்தில் விமானப் போக்குவரத்துக் கட்டுப்பாட்டு அமைப்பு செயலிழந்ததால் நூற்றுக்கணக்கான விமானங்கள் இரத்து செய்யப்பட்டன.

இதனால் ஆயிரக்கணக்கான பயணிகள் பரிதவிப்புக்கு ஆளாயினர். தொழில்நுட்பக் கோளாறு காரணமாக சிக்கல் நேரிட்டதாகவும் ஆனால், அவை சரிசெய்யப்பட்டு விட்டதாகவும் ஹாம்ப்ஷையரில் உள்ள அந்நாட்டின் தேசிய விமானப் போக்குவரத்து சேவைகள் அமைப்பு தெரிவித்துள்ளது.

விடுமுறையைக் கழிக்க பல்வேறு நகரங்களுக்குச் சென்றவர்கள் திரும்பிவர இயலாமல் பயணிகள் தவிப்புக்குள்ளானார்கள்

500க்கும் மேற்பட்ட விமானங்கள் இரத்தானதாகக் கூறப்படும் நிலையில், பல மணி நேரத்திற்குப் பின் நிலைமை சீரானதாக ஹீத்ரு விமானநிலைய அதிகாரிகள் தெரிவித்துள்ளனர்.

தேசிய விமானப் போக்குவரத்து சேவைகளை (NATS) பாதித்த தொழில்நுட்ப சிக்கல்கள் பற்றிய அறிக்கையில், பிரிட்டனின் பரபரப்பான விமான நிலையம், விமான நிலையத்திற்குச் செல்வதற்கு முன், தங்கள் விமான நிறுவனத்தைத் தொடர்பு கொள்ளுமாறு பயணிகளை வலியுறுத்தியது.

சிக்கல் தீர்க்கப்பட்டது, இருப்பினும் பயண அட்டவணைகள் குறிப்பிடத்தக்க அளவில் சீர்குலைந்துள்ளன“ என்று அது கூறியது.

நீங்கள் ஆகஸ்ட் 29 அன்று பயணம் செய்கிறீர்கள் என்றால், விமான நிலையத்திற்குச் செல்வதற்கு முன் உங்கள் விமான நிறுவனத்தைத் தொடர்புகொள்ளவும் எனத் தெரிவிக்கப்பட்டுள்ளது.