பதட்டங்களை மீறி நியமிக்கப்பட உள்ளார் இத்தாலியின் முதல் பெண் பிரதமராக ஜியோர்ஜியா மெலோனி !

இத்தாலியில் ஜியோர்ஜியா மெலோனி இன்று வெள்ளிக்கிழமை ரோமின் குய்ரினல் அரண்மனைக்குச் சென்றார். அங்கு அவர் இத்தாலியின் புதிய பிரதமராக நியமிக்கப்படுவார் என்று எதிர்பார்க்கப்படுகிறது.

மேட்டியோ சால்வினி மற்றும் முன்னாள் பிரதமர் சில்வியோ பெர்லுஸ்கோனி ஆகியோர் இத்தாலியின் ஜனாதிபதி செர்ஜியோ மட்டரெல்லாவுடன் அரசாங்கத்தில் அமைச்சரவை பதவிகளை ஆலோசிப்பதற்காக அவருடன் கலந்துகொள்வார்கள் என்று கூறப்படுகிறது.

மெலோனியின் பிரதர்ஸ் ஆஃப் இத்தாலி நவ-பாசிச வேர்களைக் கொண்ட ஒரு தேசிய பழமைவாதக் கட்சி. செப்டம்பர் 25 அன்று நடைபெற்ற திடீர் பொதுத் தேர்தலில் இத்தாலியின் மிகப்பெரிய கட்சியாக உருவெடுத்தது.

சால்வினியின் வடக்கு லீக் இயக்கம் மற்றும் பெர்லுஸ்கோனியின் ஃபோர்ஸா இத்தாலியாவை உள்ளடக்கிய வலதுசாரி கூட்டணியில் இது மிகப்பெரிய சக்தியாகும்.

நேற்று வியாழக்கிழமை ஒரு ருவிட்டர் பதிவில், மெலோனி ஒரு ஒருங்கிணைந்த புதிய அரசாங்கத்தை வழிநடத்துவதற்கான தனது உறுதியான உறுதிப்பாட்டை வெளிப்படுத்தினார்.

எங்கள் இன்றைய சவால்கள் மற்றும் அவசரநிலைகளை திறமையாகவும் உணர்வுபூர்வமாகவும் சமாளிக்கக்கூடிய ஒரு அரசாங்கத்தை இத்தாலிக்கு வழங்க நாங்கள் தயாராக இருக்கிறோம் என்று அவர் அப்பதிவில் கூறினார்.

அவரது உற்சாகத்தை அவரது கூட்டணியின் மற்ற உறுப்பினர்கள் பகிர்ந்து கொண்டனர். சால்வினி அணி தயாராக உள்ளது என்று அறிவித்தார். அதேபோல் பெர்லுஸ்கோனி தனது கட்சியான ஃபோர்ஸா இத்தாலியா புதிய அரசாங்கத்தை உருவாக்குவதற்கு தீர்மானமான பங்களிப்பை வழங்கும் என்று கூறினார்.

தலைவர்கள், குறிப்பாக மெலோனி மற்றும் பெர்லுஸ்கோனி ஆகியோருக்கு இடையேயான பதட்டங்கள் முன்னணிக்கு வந்துள்ளன.

ரஷ்ய ஜனாதிபதி விளாடிமிர் புடினின் நீண்டகால நண்பரான பெர்லுஸ்கோனி, புனினுடன் தனது உறவை மீண்டும் மீட்டெடுத்ததாக செய்திகள் வெளியாகிய பின்னர் நிலைமை மோசமாகியது. புடினுடன் கடதப் பரிமாற்றங்கள் மற்றும் பரிசுப் பொருட்களை பரிமாற்றிக்கொண்டர் என குற்றச்சாட்டுகள் பெர்லுஸ்கோனி மீது சுமந்தப்பட்டுள்ளன. ஒலிப்பதிவும் ஒன்றும் வெளியாகியுள்ள நிலையில் தன்மீது சுமந்தப்பட்ட குற்றச்சாட்டுகளை பெர்லுஸ்கோனி மறுத்துள்ளார்.

இப்பரபரப்பு, கூட்டணியின் அரசாங்கத் திட்டங்களைக் கணிசமான அளவில் சீர்குலைத்துள்ளது. குறிப்பாக மெலோனி மற்றும் பெர்லுஸ்கோனி ஆகியோருக்கு இடையேயான பதட்டங்கள் தற்போது அதிகரித்துள்ளன.

குறிப்பாக மெலோனியின் சொந்த உறுதியான நேட்டோ-சார்பு நிலைப்பாடு மற்றும் உக்ரைன் மீதான மொஸ்கோவின் படையெடுப்பைக் கண்டித்திருந்தார்.

வளரும் ஊழலுக்கு பதிலளிக்கும் விதமாக, மத்திய-இடது தலைவர் என்ரிகோ லெட்டா, ரஷ்யா மீதான தெளிவின்மையை பொறுத்துக்கொள்ள மாட்டோம் என்று கூறினார்.