புதிய கொரோனாக் கட்டுப்பாடுகள் பெப்ரவரி நடுப்பகுதிவரை நீடிக்கும்! பொரிஸ் ஜோன்சன்

இங்கிலாந்தில் நாளுக்கு நாள் கொரோனா தொற்று நோய் அதிகரித்து வருவதால் புதிய கட்டுப்பாடுகளை பிரித்தானியப் பிரதமர் பொரிஸ் ஜோன்சன் அறிவித்துள்ளார்.நேற்று திங்கட்கிழமை இரவு புதிய கட்டுப்பாடுகள் தொடர்பில் விடயங்களை அவர் மக்களுக்கு எடுத்துரைத்தார்.

புதிய கட்டுப்பாடுகள் எதிர்வரும் பெப்ரவரி நடுப்பகுதி வரை நீடிக்கும்.

அத்தியாவசிய காரணங்களுக்காகவே மக்கள் வெளியே செல்ல முடியுமே தவிர மக்கள் வீடுகளிலேயே தங்கியிருக்க வேண்டும்.

இன்று செவ்வாய்கிழமை முதல் அனைத்து பள்ளிகளும் மூடப்படும். மாணவர்களுக்கான கற்கை தொலைநிலைக் கல்வியாக (remote learning) மாறும்.

எதிர்வரும் வாரங்கள் நோயாளிகளின் எண்ணிக்கையில் இன்னும் கடினமானதாக இருக்கும் என்று எச்சரித்தார்.

புதன்கிழமை அதிகாலையில் புதிய பூட்டுதல் விதிகள் சட்டமாக மாறுவதற்கு முன்பு விதிகளைப் பின்பற்றுமாறு பொரிஸ் ஜோன்சன் பொதுமக்களிடம் கூறினார்.

நாடு போராட்டத்தின் கடைசி கட்டத்திற்கு நுழைகிறது என்று தான் நம்புவதாக பிரதமர் மேலும் கூறினார்.

ஸ்காட்லாந்து முன்னதாக அனைவரையும் வீட்டில் தங்கியிருக்க உத்தரவை பிறப்பித்தது.

சனவரி 18 வரை பள்ளிகளும் கல்லூரிகளும் மூடப்படும் என்று வேல்ஸ் கூறினார்.

வடக்கு அயர்லாந்தில் உள்ள பள்ளிகளுக்கு „தொலைநிலைக் கல்வி இருக்கும் என கூறப்பட்டுள்ளது.

பிரித்தானியாவில் நேற்று திங்கட்கிழமை கொரோனா தொற்று நோய்க்கு இலக்காகி 407 பேர் உயிரிழந்துள்ளனர். அத்துடன் 58,754 பேருக்கு புதிதாக தொற்று ஏற்பட்டுள்ளது என்பது சுட்டிக்காட்டத்தக்கது.