வாக்னர் குழுமத்தின் நிறுவனர் யெவ்ஜெனி பிரிகோஜின் நேற்றுப் புதன்கிழமை ரஷ்யாவில் ஒரு வணிக விமானத்தில் பயணித்தபோது விபத்துக்குள்ளானதாக ரஷ்ய விமானப் போக்குவரத்து அதிகாரிகள் தெரிவித்தனர்.https://www.youtube.com/embed/vIDloJdOgV8?si=4z7UBBb1Ul0LC87A

விமானத்தில் இருந்த 10 பேரும் மூன்று பணியாளர்கள் உட்பட அனைவரும் விபத்தில் கொல்லப்பட்டனர். அந்த விமானத்தில்  யெவ்ஜெனி பிரிகோஜின் இருந்ததாகவும் கூறப்பட்டுள்ளது.

முதல் விசாரணையைத் தொடர்ந்து விபத்து நடந்த இடத்தில் எட்டு உடல்கள் கண்டுபிடிக்கப்பட்டதாக ரஷ்ய அரசு செய்தி நிறுவனம் RIA நோவோஸ்டி தெரிவித்துள்ளது.

ப்ரிகோஜினின் கூட்டாளியான டிமிட்ரி உட்கினும் வாக்னரின் செயல்பாடுகளை நிர்வகித்த நிழல் உருவமும் வாக்னர் தலைவருடன் விமானத்தில் பயணித்ததாகவும் கூறப்பட்டுள்ளது.

வாக்னருடன் இணைந்த டெலிகிராம் சேனல் கிரே சோன் பிரிகோஜினின் மரணத்தை உறுதிப்படுத்தியது. அவரை ஒரு ஹீரோ மற்றும் தேசபக்தர் என்று அழைத்தது. 

ரஷ்யாவிற்கு துரோகிகள்“ என்று அடையாளம் தெரியாத நபர்களின் கைகளால் அவர் இறந்துவிட்டார் என்றும் அந்த இடுகை கூறுகிறது.

ட்வெர் பகுதியில் இன்று இரவு நிகழ்ந்த எம்ப்ரேயர் விமான விபத்து குறித்து விசாரணை தொடங்கப்பட்டுள்ளது. பயணிகள் பட்டியலில், யெவ்ஜெனி பிரிகோஜினின் பெயரும் குடும்பப் பெயரும் இடம் பெற்றுள்ளன“ என்று ரஷ்ய சிவில் ஏவியேஷன் அதிகாரி தெரிவித்தார்.