பிரான்ஸ், யேர்மனி, இத்தாலியில் முன்னிலையில் வலதுசாரி கட்சிகள்!!

ஐரோப்பிய ஒன்றிய நாடாளுமன்ற உறுப்பினர்களுக்கு 27 ஐரோப்பிய ஒன்றிய நாடுகளில் இருந்து சுமார் 185 மில்லியன் வாக்காளர்கள் வாக்களித்தனர்.

நேற்று ஞாயிற்றுக்கிழமை 705 உறுப்பினர்களைத் தேர்ந்தெடுக்கும் ஐரோப்பிய நாடாளுமன்ற உறுப்பினர்களை தேர்ந்தெடுப்பதற்கான வாக்ளிப்பில் 27 நாடுகளில் மக்கள் வாக்களித்தனர். 

ஐரோப்பிய ஒன்றிய முடிவுகள் வெளிவந்த நிலையில்,  ஐரோப்பிய பாராளுமன்றத்தை பிரதான கட்சிகள் கட்டுப்பாட்டில் வைத்திருக்கும் அதே வேளையில், தீவிர வலதுசாரி கட்சிகள் எழுச்சி பெற்றன.

ஐரோப்பிய ஒன்றியத்தின் தேர்தல்களில் தீவிர வலதுசாரிக் கட்சிகள் கணிசமான வெற்றிகளைப் பெற்றுள்ளன. இது ஜனாதிபதி மக்ரோனை பிரான்சில் பாராளுமன்றத் தேர்தலுக்கு அழைப்பு விடுக்கத் தூண்டியது மற்றும் ஜேர்மனியின் ஸ்கோல்ஸ் மற்றும் ஆஸ்திரியாவின் நெஹாமர் போன்ற தலைவர்களிடம் கடுமையான தோல்விகளைச் சந்தித்தது.

பிரான்ஸ்

பிரான்சில், மரைன் லு பென்னின் தேசியப் பேரணி மக்ரோனின் மையவாத மறுமலர்ச்சிக்கு மிகவும் மோசமான தோல்வியை அளித்தது. 

இதனையடுத்து எங்கள் பாராளுமன்ற எதிர்காலத்தை வாக்கெடுப்பின் மூலம் உங்களுக்கு மீண்டும் வழங்க நான் முடிவு செய்துள்ளேன் என மக்ரோன் அறிவித்தார். நாடாளுமன்றத்தைக் கலைத்துவிட்டு, உடனடியாக நாடாளுமன்றத் தேர்தலுக்கு அழைப்பு விடுக்க இருப்பதாக இம்மானுவேல் மக்ரோன் அறிவித்தது அதிர்ச்சியை ஏற்படுத்தியது.

வலது சாரிக் கட்சியின் வளர்ச்சி மக்ரோனின் கட்சிக்கு மேலும் இழப்புகளை ஏற்படுத்தலாம் மற்றும் அவரது ஜனாதிபதி பதவிக் காலத்தின் எஞ்சிய மூன்று ஆண்டுகளையும் இழக்கக்கூடும்.

பிரான்சில் மரைன் லு பென்னின் தேசியப் பேரணி  சுமார் 31.37% வாக்குகளைப் பெற்று ஆளும் கட்சியை தோற்கடித்தது.

மக்ரோனின் ஐரோப்பிய சார்புக் கட்சி Réveiller l’Europe – Coalition Réveiller l’Europe (Parti socialiste, Place publique) 14.60% பெற்று இரண்டாவது இடத்திற்கு தள்ளப்பட்டது.

யேர்மனி

இதேபோன்று யேர்மனியில் எதிர்கட்சியான  CDU/CSU (Christlich Demokratische Union Deutschlands/Christlich-Soziale Union in Bayern) முன்னிலையில் உள்ளது. வலது சாரிக்கட்சி AfD (Alternative für Deutschland) ஆளும் கட்சியை பின்னுக்குத் தள்ளி இரண்டாவது இடத்திற்கு வந்துள்ளது. ஆளும் கட்சியான SPD (Sozialdemokratische Partei Deutschlands) மூன்றாவது இடத்திற்கு தள்ளப்பட்டது.

எதிர்க்கட்சியான CDU/CSU (Christlich Demokratische Union Deutschlands/Christlich-Soziale Union in Bayern) 30.00% முன்னிலையில் உள்ளது.

வலது சாரிக்கட்சி AfD (Alternative für Deutschland) 15.90% பெற்ற இரண்டாவது இடத்தில் உள்ளது.