சினோபார்ம் :கோத்தாவின் அடுத்த மிக் ஊழல்!

சினோபார்ம் தடுப்பூசியை இலங்கைக்கு கொரோனா தடுப்பூசியாக கொண்டு வருவதில் மில்லியன் கணக்கில் நடந்து மோசடி அம்பலமாகியுள்ளது.

கோத்தபாய பாதுகாப்பு அமைச்சின் செயலாளராக இருந்த போது அரங்கேற்றப்பட்ட மிக் விமான ஊழலிற்கு ஒத்ததாக இத்தகைய ஊழல் கருதப்படுகின்றது.

இம்மோசடி மருந்துக் கூட்டுத்தாபனத் தலைவர் டாக்டர் பிரசன்னா குணசேனாவின் நேரடி ஒப்புதலின் பேரில் செய்யப்பட்டுள்ளமையும் தெரியவந்துள்ளது.

பாகிஸ்தானும் பங்களாதே{ம் தலா 10 டாலருக்கு தடுப்பூசியை சம்பந்தப்பட்ட நிறுவனத்திடமிருந்து நேரடியாக வாங்கும்போது, தடுப்பூசிகள் இலங்கைக்கு 15 டொலர் விலையில் வருகின்றது.

டாக்டர் குணசேனா முதலில் கோத்தபாயாவின் ‚மிக் டீல் முறை‘ படி சினோபார்ம் வாங்கியதாக குற்றம் சாட்டப்பட்டுள்ளார்.எனினும்  உலக வங்கியும் ஆசிய அபிவிருத்தி வங்கியும் அந்த கொள்முதலை ஆதரிக்கின்றன என்றும், எனவே இந்த கொள்முதல் தொடர்பான நடைமுறைகளையும் அவர்கள் கண்காணித்து வருவதாகவும் அவர் புதிய வியாக்கியானம் வழங்கியுள்ளார்.

சீனாவில் சினோபார்ம் தடுப்பூசியை தயாரிப்பவர் சீனா நேஷனல் பார்மாசூட்டிகல் குரூப் கோ, லிமிடெட். இந்நிறுவனத்தில் ஐந்து (5) பிற துணை நிறுவனங்கள் உள்ளன.

1. சீனா நேஷனல் மெடிசின்ஸ் கார்ப்பரேஷன் லிமிடெட்,

2. சீனா நேஷனல் அக்கார்டு மெடிசின்ஸ் கார்ப்பரேஷன் லிமிடெட்,

3. பெய்ஜிங் டைன்டான் உயிரியல் தயாரிப்புகள் நிறுவனம், லிமிடெட்,

4. ஷாங்காய் ஷைண்டெக் பார்மாசூட்டிகல் கோ, லிமிடெட்,

5. சீனா பாரம்பரிய சீன மருத்துவ ஹோல்டிங்ஸ் கோ, லிமிடெட்.

மேற்கண்ட ஆறு நிறுவனங்களில் எதுவுமே மருந்து வழங்க முன்வரவில்லை.எந்த ஒப்பந்தமும் செய்யப்படவில்லை. ஆனால், மக்கள் வங்கி, ஒரு டெலிகிராஃபிக் டிரான்ஸ்ஃபர் (டி.டி) மூலம் மருந்துக் கூட்டுத்தாபனம் பெய்ஜிங் உயிரியல் பொறியியல் மேம்பாட்டு மையம் லிமிடெட் என்ற இடைநிலை நிறுவனத்திற்கு 15 மில்லியன் அமெரிக்க டாலர்களை கட்டியுள்ளது. ‚ஒவ்வொரு யூனிட்டிற்கும் 15 டொலர் ஒரு மில்லியன் சினோபார்ம் தடுப்பூசிகளை வாங்குகிறது என்று அது கூறுகிறது.

பங்களாதேஷ் மட்டுமல்ல, பாகிஸ்தானும் தலா 10 டொலர் செலவில் மேலே குறிப்பிட்டுள்ள உற்பத்தி நிறுவனங்கள் மூலம் சினோபார்ம் தடுப்பூசி பெற்றுள்ளது. இதன்படி, திருடப்பட்ட தொகை 5 மில்லியன் டொலராகும்.

டாக்டர் குணசேனவே சொல்வது போல், உலக வங்கி, ஆசிய அபிவிருத்தி வங்கி போன்ற நிறுவனங்கள் கொடுக்கும் பணம் தடுப்பூசி வாங்குவதற்குப் பயன்படுத்தப்பட்டால், தடுப்பூசிக்கு நாட்டிற்கு குறைந்தது 40 மில்லியன் டோஸ் தேவை (முழு மக்களுக்கும் இரண்டு டோஸ்). ஒரு தடுப்பூசியில் தலா 5 டொலர்; கமிஷன் பெற அஸ்ட்ராசெனிகாவைக் கொண்டுவருவதை விட சினோபார்ம் கொண்டு வருவதில் அரசாங்கம் அதிக அக்கறை கொண்டுள்ளது.

தடுப்பூசிகளை வாங்க அமைச்சரவையில் முன்வைக்கப்பட்டபோது எந்தவிதமான கடிதமும் இல்லை.ஆச்சரியம் என்னவென்றால், அதே நாளில் அமைச்சரவை ஆய்வறிக்கையும் வழங்கப்பட்டது. அமைச்சரவை அறிக்கை சமர்ப்பிக்கப்பட்டபோது, தடுப்பூசி வாங்க எந்த உடன்பாடும் இல்லை என்பது தெளிவாகத் தெரியவந்துள்ளது.