துயர் பகிர்தல் Fr J B தேவராஜா

வவுனியாவைப் பிறப்பிடமாகக் கொண்ட Fr J B தேவராஜா அடிகள் இன்று காலை (10.08.2020) இறைவனடி சேர்ந்தார் என்ற செய்தி கிடைத்துள்ளது.

சொந்தமண்ணில் பல காலங்கள் பலவிதமான பணிகளை ஆற்றியவர். இலங்கையில் எல்லா தமிழ் கிராமங்களிலும் அவரது பாதம் நடந்திருக்கிறது. எல்லா கிராமங்களிலும் உள்ள எல்லா மக்களையும், தன் இதையத்தில் ஆழமாய் பதிய வைத்திருந்தவர். யாராவது ஒரு சிறுவன் போய் பாதர் நான் இந்த இடம், இந்த கிராமம் என்று சொன்னால், அந்த சிறுவன் புதியவராக இருந்தாலும், அவருடைய தந்தை அப்படியே பூட்டன் என்றுபோய் முழு குடும்பத்தையும் சொல்லி, அந்த சிறுவனுக்கே தெரியாத சம்பவங்களையும் சொல்லி சந்தோசப்படும் அளவுக்கு அனைவரையும் நன்கு அறிந்தவர். தனிப்பட்ட முறையிலே பல குடும்பங்கள் இக்கட்டான காலங்களில் இருந்தபோது, காத்திரமான முடிவுகளை எடுத்து, அவற்றில் இருந்து மீண்டு வர காரணமாய் இருந்தவர்.