கடந்த மே மாதம் ஜனாதிபதி இம்மானுவேல் மக்ரோன் மீண்டும் பிரான்ஸ் ஜனாதிபதியாகத் தேர்ந்தெடுக்கப்பட்டதில் இருந்து கடுமையான சவால்களில் ஒன்றை முன்வைத்து, சம்பளம் வழங்குவதில் தொழிற்சங்கங்கள் பொதுமக்கள் போராட்டத்திற்கு அழைப்பு விடுத்ததை அடுத்து, இன்று செவ்வாயன்று நாடு தழுவிய பணிப் புறக்கணிப்புப் போராட்டத்திற்கு பிரான்ஸ் தன்னைத்தானே தயார்படுத்திக் கொள்கிறது.

பொது போக்குவரத்து மற்றும் பள்ளிகள், சுகாதார சேவை மற்றும் எரிசக்தி துறைகள் மோசமாக பாதிக்கப்படும் என எதிர்பார்க்கப்படுகிறது.

பிரான்சின் முக்கிய சுத்திகரிப்பு ஆலைகள் மற்றும் பெட்ரோல் நிலையங்களுக்கான விநியோகங்களை சீர்குலைத்துள்ள தொழில்துறை நடவடிக்கையின் நீட்டிப்பில், பொது மற்றும் தனியார் துறைகளில் உள்ள ஊழியர்கள் வேலையை நிறுத்துமாறு அழைக்கப்பட்டுள்ளனர்

பிரெஞ்சுக்காரர்களுக்கான எரிபொருள் விநியோகத்தின் சிரமங்களை முடிந்தவரை விரைவாக“ தீர்க்க ஆர்வத்துடன், மக்ரோன் நேற்று திங்கள்கிழமை பிற்பகல் எலிசே அரண்மனையில் ஒரு கூட்டத்தைக் கூட்டினார்

பொதுப் போக்குவரத்திற்கு இடையூறு ஏற்பட்டதால், பயணிகள் வேலைக்குச் செல்வதற்காக தொடருந்து நிலையங்களுக்கு விரைவாக வந்து செல்வதைக் காண முடிந்தது.

அதே நேரத்தில் வழக்கத்தை விட மோசமான போக்குவரத்து நெரிசல்கள் பாரிஸைச் சுற்றி பதிவாகியுள்ளன.

பிராந்திய தொடருந்துகள் மற்றும் புறநகர் தொடருந்து சேவைகளை குறைத்துள்ளன.