இலங்கை காலநிலையில் ஏற்படவுள்ள மாற்றம்! பொது மக்களுக்கு எச்சரிக்கை

இலங்கை அடுத்த சில நாட்களில் அதிக மழையுடனான வானிலையில் நிலவுமென என்று தெரிவிக்கப்படுகின்றது.

வளிமணடலவியல் திணைக்களம் இவ்வாறு தெரிவித்துள்ளது.

திணைக்களம் இன்று காலை வெளியிட்டுள்ள அறிக்கையில்,

மேல், தென், மத்திய மற்றும் சப்ரகமுவ மாகாணங்களில் பல இடங்களில் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது.

வடமேல் மாகாணத்தில் பல தடவைகள் சிறிதளவான மழை பெய்யக் கூடிய சாத்தியம் காணப்படுகின்றது.

ஊவா மாகாணத்திலும் மட்டக்களப்பு மற்றும் அம்பாறை மாவட்டங்களிலும் சில இடங்களில் பி.ப. 2.00 மணிக்குப் பின்னர் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது.

இடியுடன் கூடிய மழை பெய்யும் வேளைகளில் அப் பிரதேசங்களில் தற்காலிகமாக பலத்த காற்றும் வீசக்கூடும். மின்னல் தாக்கங்களினால் ஏற்படக்கூடிய பாதிப்புகளை குறைத்துக்கொள்ள தேவையான முன்னெச்சரிக்கை நடவடிக்கைகளை எடுத்துக் கொள்ளுமாறு பொதுமக்கள் அறிவுறுத்தப்படுகின்றார்கள் மேலும் தெரிவிக்கப்பட்டுள்ளது.

Allgemein