காரைநகர் மணிவாசகர் சபையின் 63 ஆவது திருவாசக விழா

காரைநகர் மணிவாசகர் விழா முன்னெடுக்கும் திருவாசக விழாவின் இரண்டாம் நாள் நிகழ்வுகள் இன்று 29.12.2017 வெள்ளிக்கிழமை ஈழத்துச் சிதம்பர தேவஸ்தான மண்டபத்தில் திருப்பெருந்துறை அரங்கில், யாழ்ப்பாணம் சைவபரிபாலன சபைத் தலைவர் ஓய்வுநிலை நீதிபதி இ.வசந்தசேனன் தலைமையில் நடைபெற்றது.
.
நிகழ்வில் மாவை ஆதீன முதல்வர் மகாராஜஸ்ரீ கு.ச.இரத்தினசபாபதி குருக்கள் ஆசியுரை வழங்கினார். ஈழத்துச் சிதம்பர ஆதீன கர்த்தர் மு.சுந்தரலிங்கம் திருவாசகம் இசைத்தார். மணிவாசகர் சபையின் உபதலைவர் ஓய்வுநிலை அதிபர் க.தில்லையம்பலம் வரவேற்புரை ஆற்றினார்.
.
சிறப்புச் சொற்பொழிவுகளாக ‘உன்கையிற் பிள்ளை உனக்கே அடைக்கலம்” என்ற பொருளில் கோப்பாய் ஆசிரிய கலாசாலை பிரதி முதல்வர் ச.லலீசன் அவர்களும் வேண்டத்தக்கது அறிவோய் நீ என்ற பொருளில் கலாபூஷணம் காரை பண்டிதர் மு.சு. வேலாயுதபிள்ளை அவர்களும் சொற்பொழிவுகளை ஆற்றினர்.
.
திருவாசக விழாவையொட்டி காரைநகர் பாடசாலைகளிடையே நடத்தப்பட்ட திருவாசகப் போட்டிகளுக்கான பரிசில் வழங்கும் நிகழ்வும் இடம்பெற்றது.
.
நிகழ்வுகளை மணிவாசகர் சபையின் தலைவர் ஓய்வுநிலை அதிபர் வே.முருகமூர்த்தி நெறிப்படுத்தினார்.
.
திருவாசக விழா 28.12.2017 தொடக்கம் எதிர்வரும் 01.01.2018 திங்கட்கிழமை வரை இடம்பெறவுள்ளது.

காரைநகர் மணிவாசகர் சபை 1940 ஆம் ஆண்டில் யோகர் சுவாமிகளின் ஆசிகளுடன் அமரர் கலாநிதி வைத்தீசுவரக் குருக்களால் நிறுவப்பட்ட சபை என்பது குறிப்பிடத்தக்கது.

Allgemein