திருப்பியனுப்பப்பட்ட நாமல்!! மொஸ்கோவில் நடந்தது என்ன?

ரஷ்யாவின் மொஸ்கோ நகரில் இருந்து எமிரேட்ஸ் வானூர்தி மூலம் அமெரிக்காவின் ஹுஸ்டன் நகரை நோக்கி பயணிக்க முற்பட்ட நாமல் ராஜபக்சவுக்கு அனுமதி மறுக்கப்பட்டுள்ளது.தன்னிடம் செல்லுபடியான நுழைவிசைவு இருந்தும் அமெரிக்கா செல்வதற்கான அனுமதி மறுக்கப்பட்டமை தொடர்பில், ரஷ்யாவில் உள்ள அமெரிக்க தூதரகம் விளக்கமளிக்கவில்லை என்றும் அவர் குற்றஞ்சாட்டியுள்ளார்.
இது தொடர்பில் நாமல் தனது உத்தியோகபூர்வ ட்ருவிட்டரில் பதிவிட்டுள்ளார்.அமெரிக்க அதிகாரிகளின் அறிவுறுத்தலுக்கமைய எமிரேட்ஸ் வானூர்தி சேவையூடாக , அமெரிக்கா செல்வதற்கான அனுமதியை மறுப்பதாக எமிரேட்ஸ் விமான சேவை நிறுவன அதிகாரிகள் தெரிவித்துள்ளனர்.
சரியான விளக்கம் எதுவும் வழங்கப்படாமல் தான் அமெரிக்கா செல்வது தடுக்கப்பட்டுள்ளது என நாமல் ட்ருவிட்டரில் பதிவிட்டுள்ளமை குறிப்பிடத்தக்கது.